महाराष्ट्र विधानसभेतील आमदारांची कामगिरी

जिल्हा जळगाव  (महसूल विभाग नाशिक):माविनि ०.७२३  मानवविकास स्थिती: उच्च

आमदारांची अधिवेशनांतील उपस्थिती आणि त्यांनी विचारलेल्या प्रश्नांची सामाजिक विषयवार संख्या.

माहितीस्त्रोत: विधिमंडळाचं संकेतस्थळ आणि उपलब्ध झालेले अहवाल, २०१४ ते १८ या काळातील  सर्व १३ अधिवेशने (एकूण दिवस १९८), त्यातील  अर्धा तास चर्चा, लक्षवेधी सूचना व तारांकित प्रश्न, ज्यात मा आमदारांच्या नावाचा पहिला उल्लेख आहे.

क्र	आमदाराचे नाव / पक्ष / मतदारसंघ	एकूण प्रश्न	आरोग्य	शिक्षण	पाणी	शेती	बेरोजगारी	बालक	महिला	उपस्थितीची सरासरी %
१	संजय सावकारे/भाजप/भुसावळ	९०	४	७	५	६	०	४	१	८६
२	गुलाब पाटील/शिवसेना/जळगाव ग्रा	४२	२	२	४	४	०	५	०	८१
३	डॉ सतीश पाटील/ राकॉं/एरंडोल	३७	१	२	३	४	१	२	०	७३
४	किशोर पाटील/शिवसेना/पाचोरा	२८	२	३	२	२	०	०	०	८३
५	उन्मेष पाटील/भाजप/ चाळीसगाव	२६	१	३	४	०	०	०	०	९२
६	चंद्रकांत सोनावणे/शिवसेना/चोपडा	२२	०	३	३	१	०	२	०	७५
७	एकनाथ खडसे/ भाजप /मुक्ताईनगर	२२	१	२	२	१	०	२	०	७४
८	हरिभाऊ जावळे / भाजपा / रावेर	२०	१	०	०	३	०	०	०	८७
९	सुरेश भोले / भाजपा/जळगाव शहर	१९	०	०	१	०	१	०	०	८९
१०	शिरीष चौधरी /अपक्ष /अमळनेर	६	०	१	०	०	०	०	०	८५
११	गिरीश महाजन / भाजपा /जामनेर: मंत्री  प्रश्न व उपस्थितीच्या नोंदी गैरलागू
	जळगाव जिल्ह्यातून विचारले गेलेले एकूण प्रश्न	३१२	१२	२३	२४	२१	२	१५	१

 निरिक्षणे

• जिल्ह्यातून एकूण ३१२ प्रश्न विचारले गेले. वरील वर्गवारीत जिल्ह्यातून सर्वाधिक २४ प्रश्न  पाणी या विषयावर, त्या खालोखाल २३ प्रश्न शिक्षण या विषयावर उपस्थि केले गेले.
• महिलाविषयक अवघा १ आणि बेरोजगारीविषयी फक्त २ प्रश्न मांडले गेले.  धोरणविषयक एकही प्रश्न विचारला गेला नाही. वरील वर्गवारीखेरीज विचारल्या गेलेल्या अन्य प्रश्नांत घोटाळे-गैरव्यवहारविषयक एकूण ४३ प्रश्न होते.
• आमदार संजय सावकारे यांनी सर्वाधिक ९०  प्रश्न विचारले.  त्यांनीच आरोग्य, शिक्षण, पाणी आणि शेती या विषयांवर सर्वाधिक, अनुक्रमे ४,७,५,६ असे प्रश्न  विचारले .
• सर्वात कमी म्हणजे ६ प्रश्न आमदार शिरीष चौधरी यांनी उपस्थित केले. एक अंकी प्रश्नसंख्या असणारे ते एकच आमदार.
• वरील वर्गवारीत मोजल्या न गेलेल्या प्रश्नांचे विषय सर्वसाधारणपणे पुढीलप्रमाणे: स्वस्त धन्य दुकान परवाने, अनधिकृत भूखंड, रस्ते कामांतील बोगसगिरी, नियुक्त्यांचे रखडलेले प्रश्न, विविध योजनांचे प्रलंबित अनुदान वगैरे.
• सर्वाधिक दिवस उपस्थित राहाणारे आमदार उन्मेष पाटील.                                                                                                                                                                                        

जिल्ह्यातील गाभ्याच्या सामाजिक समस्या (सरकारी माहितीअनुसार)

गरोदर मातांची सर्व टप्प्यांवरील सर्व प्रकारची अपुरी काळजी; गरोदर मातांना मिळणारे लोह, फॉलिक अॅसिड यांची कमी उपलब्धता; बालकांचे पोलिओ लसीकरण अपुरे; जन्मानंतर एका तासात स्तनपान करण्याविषयी जागृती अपुरी; पुरुष, महिला व बालके यांमधील ॲनिमिया; ग्रामीण भागातील उपआरोग्यकेंद्रावरील निवासी व्यवस्थेचा ANM कडून अल्प वापर; अतिरिक्त ANMयुक्त उपआरोग्य केन्द्रे; शाळेत प्रवेश घेणाऱ्या मुलींचे प्रमाण अर्ध्यापेक्षा कमी.