महाराष्ट्र विधानसभेतील आमदारांची कामगिरी

जिल्हा पालघर (महसूल विभाग कोकण):माविनि ०.८०० मानवविकास स्थिती: अति उच्च

आमदारांची अधिवेशनांतील उपस्थिती आणि त्यांनी विचारलेल्या प्रश्नांची सामाजिक विषयवार संख्या.

माहितीस्त्रोत: विधिमंडळाचं संकेतस्थळ आणि उपलब्ध झालेले अहवाल, २०१४ ते १८ या काळातील  सर्व १३ अधिवेशने (एकूण दिवस १९८), त्यातील अर्धा तास चर्चा, लक्षवेधी सूचना व तारांकित प्रश्न, ज्यात मा आमदारांच्या नावाचा पहिला उल्लेख आहे.

क्र	आमदाराचे नाव / पक्ष / मतदारसंघ	एकूण प्रश्न	आरोग्य	शिक्षण	पाणी	शेती	बेरोजगारी	बालक	महिला	उपस्थितीची सरासरी %
१	पास्कल धनारे / भाजपा / डहाणू	५०	०	१	३	१	१	०	०	९०
२	विलास तारे / बविआ / बोईसर	४०	३	३	०	३	०	१	०	६०
३	हितेंद्र ठाकूर / बविआ / वसई	३१	३	०	३	२	०	१	०	५५
४	क्षितीज ठाकूर / बविआ / नालासोपारा	१८	०	०	१	०	०	०	०	६८
५	कृष्णा घोडा / शिवसेना / पालघर	९	०	०	०	०	०	१	०	९६
६	विष्णू सावरा/ भाजपा /विक्रमगड मंत्री. प्रश्न व उपस्थिती लागू नाही.
	पालघर जिल्ह्यातून विचारले गेलेले एकूण प्रश्न	१४८	६	४	७	६	१	३	०

                  निरिक्षणे

• जिल्ह्यातून एकूण १४८ प्रश्न विचारले गेले.  हा आदिवासीबहुल जिल्हा. जिल्ह्यातून आदिवासीविषयक एकूण १८ प्रश्न मांडले गेले.
• आमदार पास्कल धनारे यांनी सर्वाधिक ५० प्रश्न विचारले. अभ्यासविषयांमध्ये  पाणी या विषयावर सर्वाधिक ३ प्रश्न त्यांनीच विचारले. घोटाळे-गैरव्यवहारविषयक एकूण ४२ प्रश्न विचारले गेले. त्यापैकी सर्वाधिक २६ पास्कल धनारे यांनी मांडले.
• आरोग्यविषयक सर्वाधिक ३ प्रश्न प्रत्येकी आमदार विलास तारे आणि हितेंद्र ठाकूर यांनी विचारले. शिक्षण आणि शेतीविषयक  सर्वाधिक ३ प्रश्न आमदार विलास तारे यांनी उपस्थित केले. तसेच, आमदार हितेंद्र ठाकूर यांनी पाणी या विषयावर सर्वाधिक ३ प्रश्न मांडले.  सर्वात कमी, ९  प्रश्न विचारणारे आमदार कृष्णा घोडा.
• जिल्ह्यातून, महिलाविषयक आणि धोरणविषयक प्रश्न उपस्थित केले गेले नाहीत.  
• वरील वर्गवारीत मोजल्या न गेलेल्या प्रश्नांचे विषय सर्वसाधारणपणे पुढीलप्रमाणे: समुद्रकिनारी बांधलेले धूपप्रतिबंधक बंधारे निकृष्ट दर्जाचे असल्याबाबत, दमण बनावटीच्या दारु आणि बिअर बॉटलचे झाकण बदलून दारु विकणा-या टोळीला केलेली अटक, वसई तालुक्यात मंजूर झालेली पोलीस स्टेशन सुरु करण्याबाबत, जिल्ह्यातील तानसा, वैतरणा, सूर्या नदीपात्रातील वाळूउपसा, तारापूर अणुऊर्जा केंद्रामुळे बाधित झालेल्यांचं पुनर्वसन, आदिवासींच्या जमिनींबाबतचे गैरव्यवहार  वगैरे.
• सर्वाधिक दिवस उपस्थित राहाणारे – आमदार पास्कल धनारे.