महाराष्ट्र विधानसभेतील आमदारांची कामगिरी:  जिल्हा रायगड (महसूल विभाग कोकण): माविनि ०.८०० मानवविकास स्थिती: अति उच्च

आमदारांची अधिवेशनांतील उपस्थिती आणि त्यांनी विचारलेल्या प्रश्नांची सामाजिक विषयवार संख्या.

माहितीस्त्रोत: विधिमंडळाचं संकेतस्थळ आणि उपलब्ध झालेले अहवाल, २०१४ ते १८ या काळातील  सर्व १३ अधिवेशने (एकूण दिवस १९८), त्यातील अर्धा तास चर्चा, लक्षवेधी सूचना व तारांकित प्रश्न, ज्यात मा आमदारांच्या नावाचा पहिला उल्लेख आहे.

क्र	आमदाराचे नाव / पक्ष / मतदारसंघ	एकूण प्रश्न	आरोग्य	शिक्षण	पाणी	शेती	बेरोजगारी	बालक	महिला	उपस्थितीची सरासरी %
१	प्रशांत ठाकूर / भाजप / पनवेल	१५६	१०	१३	१४	२	२	५	०	९४
२	सुभाष पाटील / शेकाप / अलिबाग	१३४	११	३	४	७	३	०	०	९४
३	मनोहर भोईर /शिवसेना / उरण	१०५	४	६	१०	६	१	२	०	९१
४	भारत गोगावले / शिवसेना / महाड	४८	२	३	५	०	०	०	०	८८
५	सुरेशबाबू लाड / राकॉं / कर्जत	२६	१	१	३	०	१	०	०	८४
६	धैर्यशील पाटील /शेकाप / पेण	२४	१	४	२	३	०	०	०	८८
७	अवधूत तटकरे /राकॉं / श्रीवर्धन	८	०	०	२	०	१	०	०	६२
८	विष्णू सावरा / भाजप / विक्रमगड: मंत्री उपस्थिती व प्रश्न यांच्या नोंदी लागू नाहीत.
	रायगड जिल्ह्यातून विचारले गेलेले एकूण प्रश्न	५०१	२९	३०	४०	१८	८	७	०

                  निरिक्षणे

• जिल्ह्यातून एकूण ५०१ प्रश्न विचारले गेले.  अभ्यासविषयांमध्ये सर्वाधिक, ४० पाणीविषयक, त्याखालोखाल ३० प्रश्न शिक्षण आणि २९ प्रश्न आरोग्य या विषयांवर उपस्थित केले गेले.  ७ प्रश्न बालकांविषयी मांडले गेले.  
• आमदार  प्रशांत ठाकूर यांनी सर्वाधिक  १५६ प्रश्न विचारले.  शिक्षणविषयक  सर्वाधिक १३ आणि पाणी या विषयावर सर्वाधिक १४ प्रश्न  त्यांच्याच नावावर आहेत.
• आरोग्यविषयक सर्वाधिक ११ प्रश्न आमदार सुभाष पाटील यांनी उपस्थित केले.  त्यांनीच शेतीविषयक सर्वाधिक ७ प्रश्न मांडले.
• घोटाळे – गैरव्यवहारविषयक एकूण ७० प्रश्न मांडले गेले. त्यापैकी सर्वाधिक २० आमदार सुभाष पाटील यांच्या नावावर आहेत.  जिल्ह्यातून महिलाविषयक आणि धोरणविषयक प्रश्न विचारले गेले नाहीत.
• एकूण ७ पैकी ३ आमदारांची प्रश्नसंख्या तीन अंकी, अन्य तिघांची दोन अंकी आहे. सर्वात कमी, एक अंकी,  ८  प्रश्न आमदार अवधूत तटकरे  यांच्या नावे आहेत.
• या ५०१ प्रश्नांत १८ वेळा आदिवासी हा शब्द आला आहे.  
• वरील वर्गवारीत मोजल्या न गेलेल्या प्रश्नांचे विषय सर्वसाधारणपणे पुढीलप्रमाणे: निकृष्ट दर्जाची बांधकामे, विविध योजनांपासून वंचित राहिलेले लाभार्थी,  प्रलंबित अनुदाने, डहाणू येथील रिलायन्स थर्मल पॉवरच्या चिमणीतून पसरणाऱ्या राखयुक्त धुरामुळे पिकांवर होत असलेला दुष्परिणाम, तानसा नदीवर चांबळे, झाकीवली व मेट या ठिकाणी लघुपाटबंधारे बांधण्याबाबत, वसई, पालघर व डहाणू तालुक्यातील समुद्रकिनाऱ्यांवर धूप प्रतिबंधक बंधारे बांधण्याबाबत, वसई तालुक्यातील वाढत्या गुन्हेगारीचा बंदोबस्त करण्यासाठी मंजूर झालेली पोलीस स्टेशन सुरु करणेबाबत, मुंबईतील देवनार कत्तलखाना डहाणूच्या पुढे स्थलांतरीत करण्याबाबत, वैतरणा, सूर्या नदी व खाडी पात्रात अवैध वाळू उत्खनन होत असल्याबाबत वगैरे.
• सर्वाधिक दिवस उपस्थित राहाणारे – आमदार प्रशांत ठाकूर आणि सुभाष पाटील.