महाराष्ट्र विधानसभेतील आमदारांची कामगिरी:  

जिल्हा वर्धा (महसूल विभाग नागपूर): माविनि ०.७२३ मानवविकास स्थिती: उच्च

आमदारांची अधिवेशनांतील उपस्थिती आणि त्यांनी विचारलेल्या प्रश्नांची सामाजिक विषयवार संख्या.

माहितीस्त्रोत: विधिमंडळाचं संकेतस्थळ आणि उपलब्ध झालेले अहवाल, २०१४ ते १८ या काळातील  सर्व १३ अधिवेशने (एकूण दिवस १९८ ),

त्यातील  अर्धा तास चर्चा, लक्षवेधी सूचना व तारांकित प्रश्न, ज्यात मा आमदारांच्या नावाचा पहिला उल्लेख आहे.

	क्र	आमदाराचे नाव / पक्ष / मतदारसंघ	एकूण प्रश्न	आरोग्य	शिक्षण	पाणी	शेती	बेरोजगारी	बालक	महिला	उपस्थितीची सरासरी %
	१	अमर काळे / कॉं /आर्वी	३७	२	१	२	०	०	२	०	७९
२	समीर कुणावर /भाजप / हिंगण घाट	२८	४	२	०	३	२	०	०	९०
	३	डॉ . पंकज भोयर /भाजप / वर्धा	६	०	०	०	१	०	०	०	९०
४	रणजीत कांबळे / कॉं/  देवळी	३	१	०	०	१	०	०	०	५७
	वर्धा जिल्ह्यातून विचारले गेलेले एकूण प्रश्न	७४	७	३	२	५	२	२	०

 निरिक्षणे

• जिल्ह्यातून एकूण ७४ प्रश्न विचारले गेले.  यापैकी, सुमारे निम्मे प्रश्न वर्धा जिल्ह्यातील समस्यांविषयी आणि अन्य प्रश्न राज्यपातळीवरील वा इतर जिल्ह्यांविषयी होते.
• आमदार अमर काळे  यांनी सर्वाधिक ३७ प्रश्न विचारले.  आमदार समीर कुणावर यांची २८ ही प्रश्नसंख्या दुसर्‍या क्रमांकाची. अन्य दोन आमदारांची प्रश्नसंख्या एक अंकी राहिली.
• वरील वर्गवारीत जिल्ह्यातून सर्वाधिक ७ प्रश्न आरोग्यविषयक विचारले गेले. महिलाविषयक एकही प्रश्न विचारला गेला नाही.  धोरणविषयक प्रश्नही उपस्थित केले गेले नाहीत.
• वरील वर्गवारीत समाविष्ट नसलेल्या प्रश्नांत घोटाळे-गैरव्यवहारविषयक १८ प्रश्न मांडले गेले.  वरील वर्गवारीत मोजल्या न गेलेल्या अन्य प्रश्नांचे विषय सर्वसाधारणपणे पुढीलप्रमाणे:  सेवाग्राम विकास आराखडा, वणा नदीवरील पूलदुरुस्ती, वर्धा जिल्हा मध्यवर्ती बँकेमध्ये जिल्हा परिषदेचे ९१ कोटी ३७ लक्ष रु अडकून असल्याबाबत,  विद्युत उपकेंद्रांना मंजुरी, आरोग्य विभागातील रिक्त पदे भरण्याबाबत, वगैरे.
• सर्वाधिक दिवस उपस्थित राहाणारे दोन आमदार समीर कुणावर आणि पंकज भोयर.