प्रत्यक्ष सूर्यमाला विद्यार्थ्यांना पाहता येत नसली तरी त्याची हुबेहुब त्रिमितीय रचना बनवून विद्यार्थ्यांना प्रत्येक ग्रह शिक्षकांनी समजावून सांगितला. मोबाईलवरील तंत्रज्ञानाचा अविष्कार पाहून मुलेही हरखून गेली. दररोज नजरेस येणारे सूर्यमालेतील ग्रह, उपग्रह, लघुग्रह जवळून पाहण्याचा आनंद विद्यार्थ्यांनी लुटला. या उपक्रमामुळे विद्यार्थ्यांत वैज्ञानिक दृष्टीकोन वाढण्यास व त्यांच्यात विज्ञानाची वेेगळी आवड निर्माण होण्यास मदत होऊ शकते. या उपक्रमासाठी तंत्रज्ञानाचा वापर करून अध्यापन केल्यास विद्यार्थ्यांना विविध संकल्पना सहज समजावण्यात मदत होते. त्याचबरोबर अध्यापन आनंददायी होते. यापुढेही असे वेगवेगळे प्रयोग करून विद्यार्थ्यांची अध्ययनातील गोडी वाढविण्याचा प्रयत्न आम्ही करू असं हे शिक्षक सांगतात.

अशी सूर्यमाला पाहणं आपल्यालाही शक्य असल्याचं सर सांगतात, “सूर्यमालेचा थ्रीडी अनुभव घेण्यासाठी गुगल प्ले स्टोरवरून एक्सप्लोरर फोर मर्ज क्यूब अॅप डाऊनलोड करावं लागेल. त्यानंतर त्याची मार्कर इमेज असणाऱ्या मजकुराची प्रिंट स्कॅन करून घेता येईल. यातून प्रत्यक्ष सूर्यमाला पाहायला मिळते. ग्रहमालेतील एखाद्या ग्रहाला स्पर्श केल्यानंतर त्याचा आकार देखील मोठा होईल. त्यामुळे या ग्रहांचे संपूर्ण निरीक्षण करता येणे सोपे होईल.”

– रूपेश जाधव, नंदूरबार